🌹श्री स्वामी समर्थ 🌹
१२ वी च्या निकालाबाबत मोठी घोषणा . असा चेक कराल निकाल दुपारी २ वाजता. महाराष्ट्र राज्य शिक्षण मंडळाच्या (Maharashtra State Board Result 2023) निकालांकडे राज्यातील लाखो विद्यार्थ्यांसह पालकांचं लक्ष लागलं आहे. 12 वीचे निकाल आज , गुरुवारी (25 मे) जाहीर करण्यात येत आहे,अशी माहिती सूत्रांनी दिली आहे. बोर्डाकडून निकालाची तयारी पूर्ण झाल्याची माहिची अध्यक्ष शरद गोसावी यांनी दिली. बारावीचे निकाल जाहीर झाल्यानंतर दहावीचे निकाल लवकरच जाहीर करण्यात येतील, असेही शरद गोसावी यांनी सांगितले.
साधारण फेब्रुवारी २०२३ अखेरपासूनच बारावी आणि मार्च २०२३ पासून इयत्ता दहावीच्या बोर्डाच्या परीक्षा पार पडल्या. ज्यानंतर आता काही दिवसांची सुट्टीही शेवटच्या टप्प्यात आली आहे. त्यामुळे आपल्या शैक्षणिक महत्त्वपूर्ण टप्प्याच्या या निकालांकडे विद्यार्थ्यांचं लक्ष लागून राहिलं आहे.
मे २०२३ महिन्याच्या अखेरच्या आठवड्यात बारावी, तर जूनच्या पहिल्या आठवड्यात इयत्ता दहावीचे निकाल आता जाहीर होणार आहेत. निकाल जाहीर झाल्यानंतर लगेचच पुनर्मुल्यांकन आणि नव्या शैक्षणिक वर्षासाठीच्या प्रवेश प्रक्रियांना सुरुवात होईल.
हे देखील वाचा:-मुंबईमध्ये घर घ्यायचंय...
तेही स्वस्तात ...... मग हि बातमी तुमच्यासाठीच
....
कुठे आणि कसा निकाल उपलब्ध असेल ?
विद्यार्थ्यांना सदर निकाल बोर्डाची अधिकृत संकेतस्थळ १) https://www.mahahsscboard.in तसेच २) mahresult.nic.in आणि ३) mahresults.org.in वर पाहाता येईल.
विद्यार्थ्यांनी बोर्डाच्या संकेतस्थळावर भेट दिल्यानंतर पुढे बारावी (HSC) पर्याय निवडावा. पुढे हॉलतिकीट क्रमांक आणि इतर माहितीचा तपशील भरल्या नंतर काही क्षणांतच निकाल तुमच्यासमोर येईल. राज्यातील विविध भागांतून विद्यार्थी आणि पालक या संकेतस्थळावर एकाच वेळी भेट देणार असल्यामुळे काहींना निकाल पाहताना अडचणींचा सामना करावा लागू शकतो. त्यामुळं तांत्रिक अडथळे उदभवल्यास विद्यार्थ्यांनी घाबरून जाऊ नये, असे आवाहन परीक्षा मंडळाकडून देण्यात आलं आहे. एसएमएस (SMS) आणि डिजिलॉकरद्वारे (DigiLocker) देखील विद्यार्थ्यांना निकाल पाहाता येणार आहे.
या महत्वाचे संकेतस्थळं ..
ऑनलाईन निकाल कसा पाहाल? (HOW TO CHECK ONLINE 12 RESULTS?)
महाराष्ट्र शिक्षण मंडळाकडून विद्यार्थ्यांसाठी ऑनलाईन निकाल उपलब्ध करून दिला जाणार आहे.
निकाल पाहण्यासाठी शिक्षण मंडळाचे अधिकृत संकेत स्थळ www.mahresult.nic.in ला भेट द्या .
होम पेजवर जा आणि महाराष्ट्र बोर्ड एचएससी निकाल 2023 लिंकवर क्लिक करा.
तुमचा बैठक क्रमांक , शाळेचा सांकेतांक आणि इतर माहिती भरा. परीक्षेचा निकाल तुमच्या स्क्रीनवर दिसेल.
कसा चेक कराल तुमचा निकाल? (How to check Maharashtra HSC results 2023 marksheets)
स्टेप 1 - महाराष्ट्र शिक्षण मंडळाचे संकेतस्थळ www.mahresult.nic.in वर लॉन ऑन करा.
स्टेप 2- बारावी निकालाच्या बॅनरवर क्लिक करा.
स्टेप 3- तिथं असलेल्या बॉक्समध्ये आपला बैठक क्रमांक टाका.
स्टेप 4- तुमच्या आईच्या नावातील पहिली तीन अक्षरं लिहा.
स्टेप 5- एंटर केल्यानंतर तुमचा निकाल स्क्रिनवर दिसेल.
स्टेप 6- निकालाची प्रिंट आऊट घ्या किंवा मोबाईलमध्ये सेव्ह करा.
SMS Text Msg द्वारे निकाल कसा पाहाल..? (HOW TO CHECK VIA SMS)
स्टेप 1. तुमचा मोबाईल आधी अनलॉक करा आणि SMS अँपवर जा.
स्टेप 2. तुमचा रोल नंबर त्यानंतर MH (परीक्षेचे नाव) टाईप करा.
स्टेप 3. 57766 वर मेसेज सेंड करा.
स्टेप 4. तुमचा निकाल तुम्हाला Text SMS द्वारे प्राप्त होईल.
डिजिलॉकरद्वारे कसा पाहाल निकाल? (HOW TO CHECK VIA DIGILOCKER)
स्टेप 1. DigiLocker अँप उघडा किंवा digilocker.gov.in वर लॉग इन करा.
स्टेप 2. आवश्यक तपशील सबमिट करून नवीन नोंदणी करा. तुम्ही आधीच नोंदणी केली असल्यास तुमच्या खात्यात लॉग इन करा.
स्टेप 3. 'MSBSHSE SSC निकाल 2023' वर क्लिक करा.
स्टेप 4. महाराष्ट्र बोर्ड HSC निकाल मिळविण्यासाठी तुमच्या आधार कार्डवरील डिटेल्स द्या.
स्टेप 5. निकाल तुम्हाला प्राप्त होईल.
आपल्या उज्ज्वल भविष्यासाठी आपणास खूप खूप शुभेच्छा . 👍
